ৰোগী অন্তৰ : কাৰণ, লক্ষণ আৰু সমাধান।
পৰ্ব-২ : অন্তৰ ৰোগমুক্ত তথা পৰিস্কাৰ কৰাৰ উপায়।
অন্তৰ 🧡 পবিত্ৰ কৰাৰ বিভিন্ন উপায় আৰু পদ্ধতি পৱিত্ৰ ক্বুৰআন আৰু ছুন্নতত উল্লেখ পোৱা যায়। ইয়াৰে কিছুমান তলত উল্লেখ কৰা হ’ল-
১. হৃদয়ৰ পবিত্ৰতাৰ বাবে দুআ-
হৃদয়ৰ পবিত্ৰতা আৰু বিশুদ্ধতাৰ বাবে আৰু আল্লাহৰ বিধান পালনত ইয়াৰ অটলতাৰ বাবে আল্লাহৰ ওচৰত প্ৰাৰ্থনা কৰাটো প্ৰয়োজনীয়। ৰাছুলুল্লাহ (ছঃ) এ প্ৰাৰ্থনা কৰিছিল,
‘یا مقلب القلوب ثبت قلبي ‘
‘হে হৃদয় সলনি কৰা! তোমাৰ আজ্ঞা পালনত মোৰ হৃদয়ক শক্তিশালী কৰা।’ (মুছনাদ আহমদ, হাদীছ: ৯৪২০, তিৰমিজী )
২. হৃদয়ৰ ৰোগৰ প্ৰতি অসাৱধান নহ’ব-
ৰাছুলুল্লাহ (ছঃ) এ কৈছে, “নিশ্চয় মানুহৰ হৃদয় আল্লাহৰ দুটা আঙুলিৰ মাজত থাকে, তেওঁ ইচ্ছামতে সলনি কৰিব পাৰে।” (ছহীহ মুছলিম, হাদীছ: ৬৯২১)
৩. আখিৰাতৰ ভয়-
কিয়ামতৰ দিনত আত্মাৰ শুদ্ধিকৰণৰ বাহিৰে একোৱেই লাভ নহ’ব। গতিকে আখিৰাতৰ ভয় অন্তৰত থাকিব লাগিব। আল্লাহ তাআলাই কৈছে, ” যিদিনা ধন-সম্পত্তি আৰু সন্তানে কোনো উপকাৰ কৰিব নোৱাৰিব, কেৱল সেইসকলৰ বাহিৰে, যিসকলে নিৰ্মল আত্মাৰ সৈতে আল্লাহৰ ওচৰলৈ আহে। “(ছুৰা শ্বুআৰা, আয়াত ৮৮-৮৯)।
বিঃদ্ৰঃ
‘ক্বলবে চালিম’ – হৈছে শ্বিৰ্ক, বিদাহ আৰু অন্যান্য পাপ আৰু বৰ্জনীয় বিষয়ৰ পৰা পবিত্ৰ আত্মা। যাৰ ফলত তেওঁৰ মনত আল্লাহৰ প্ৰেম আৰু ভয়ৰ বাহিৰে একো নাথাকে।
৪. সুস্থ হৃদয়ৰ বাবে দুআ কৰা মুস্তাহাব-
ৰাছুলুল্লাহ ছাঃ টএ নিয়মিতভাৱে আত্মশুদ্ধিৰ বাবে নামাজ পঢ়িছিল। সেয়ে বিজ্ঞ উলামাসকলে ষ্পষ্ট কৰিছে যে আত্মশুদ্ধিৰ বাবে দুআ কৰাটো মুস্তাহাব। হজৰত নবী কৰীম ছাঃ এ, নিজে দুআ কৰিছিল,
‘হে আল্লাহ! আপোনাৰ ওচৰত সুস্থ হৃদয় (ক্বলব) কামনা কৰিলোঁ’ (মুছনাদ আহমদ, হাদীছ: ১৭১১৪)
৫. ক্বুৰআন-ছুন্নতত বৰ্ণিত আত্মশুদ্ধিৰ পদ্ধতি গ্ৰহণ কৰিব লাগে :
পৱিত্ৰ ক্বুৰআনে আত্মশুদ্ধিৰ পদ্ধতি অনুসৰণ কৰিবলৈ আহ্বান জনাই নিৰ্দেশ দিছে,
হে মুমিনসকল! আল্লাহ আৰু তেওঁৰ ৰাছুলৰ আহ্বানৰ প্ৰতি সঁহাৰি জনাবা যেতিয়া তেওঁ তোমাক নিজৰ প্ৰাণদাতাৰ ওচৰলৈ মাতে। আৰু জানি থোৱা যে আল্লাহ মানুহ আৰু তাৰ হৃদয়ৰ মাজত বাস কৰে, শেষ দিনত তেওঁৰ ওচৰত তোমালোকক গোট খোৱা হ’বা। (চুৰা আনফাল, আয়াত: ২৪)
৬. আল্লাহৰ স্মৰণে (জিকিৰ) হৃদয় কোমল হৈ থাকে :
আল্লাহৰ স্মৰণ আৰু জিকিৰত মানুহৰ হৃদয় কোমল হৈ থাকে। ই আত্মাক শুদ্ধ কৰি ৰাখে। পবিত্ৰ ক্বুৰআনত উল্লেখ আছে, ‘জানি লোৱা! আল্লাহৰ জিকিৰ (স্মৰণ) ৰ দ্বাৰা হৃদয়সমূহ প্ৰশান্ত হৈ থাকে।’ (চুৰা ৰাআদ, আয়াত: ২৮)
৭. অসহায়ৰ ব্যক্তিৰ কাষত থিয় হোৱা :
হাদীছ শ্বৰীফত এজন ব্যক্তিয়ে ৰাছুলুল্লাহ ছাঃ ৰ ওচৰলৈ আহি নিজৰ হৃদয়ৰ কঠিনতাৰ অভিযোগ কৰিছিল। ৰাছুলুল্লাহ (ছাঃ) এ তেওঁক কৈছিল,
“যেতিয়া তুমি তোমাৰ হৃদয় নম্ৰ আৰু কোমল ৰাখিব বিচাৰিবা, তেতিয়া অনাথ আৰু অসহায় ব্যক্তিৰ মূৰত হাত ৰাখিবা” (মুছনাদ আহমদ, হাদীছ: ৯০১৮)
৮. কবৰৰ দৰ্শন আৰু মৃত্যুৰ স্মৰণ:
কবৰৰ দৰ্শন আৰু মৃত্যুৰ স্মৃতিৰ জৰিয়তে মানুহৰ হৃদয় আল্লাহৰ ফালে ঘূৰি যায়। ৰাছুলুল্লাহ (ছাঃ) এ কৈছে,
‘আগতে মই তোমালোকক কবৰ দৰ্শন কৰিবলৈ নিষেধ কৰিছিলো, এতিয়া তোমালোকে কবৰ দৰ্শন কৰা। কাৰণ নিশ্চয় ই আখিৰাতক সোঁৱৰাই দিয়ে আৰু হৃদয় উন্নত কৰে।’ (মুছনাদ আহমদ, হাদীছ: ২৩০০৫)
৯. হৃদয়ৰ কঠিনতা পৰিহাৰ কৰিব লাগে :
পবিত্ৰ ক্বুৰআনত আল্লাহে কেইবা ঠাইত হৃদয়ৰ কঠিনতাক নিন্দা কৰিছে। আল্লাহ তাআলাই কৈছে,
‘… ধ্বংস সেইসকলৰ বাবে যিসকলৰ হৃদয় আল্লাহক স্মৰণ কৰাৰ পৰা কঠিন হৈ গৈছে। তেওঁলোক স্পষ্টভাৱে বিভ্ৰান্তিত নিপতিত হৈ আছে।’ (চুৰা জুমাৰ, ২২ আয়াত)
১০. দুৰ্নীতিগ্ৰস্ত আত্মাৰ পৰিণতিৰ কথা মনত ৰখা:
ৰাছুলুল্লাহ ছাঃ এ দুৰ্নীতিগ্ৰস্ত আত্মাৰ পৰিণতিৰ বিষয়ে সতৰ্ক কৰি দিছিল, তেওঁ কৈছে
‘সাৱধান! নিশ্চয় মানুহৰ শৰীৰত মাংসৰ টুকুৰা এটা থাকে, যেতিয়া ই সুস্থ থাকে তেতিয়া গোটেই শৰীৰটো সুস্থ থাকে আৰু যেতিয়া ই অসুস্থ হয় তেতিয়া গোটেই শৰীৰটো অসুস্থ হৈ পৰে। জানি ৰাখা! এয়া (মাংসৰ টুকুৰা ) হল ক্বাল্ব (হৃদয়) ।’ (ছহীহ মুছলিম, হাদীছ: ৪১৭৮)
কলম – এম ইউছুফ কাছিমী ।
(বাংলা লিখনি এটিৰ সহায় লৈ।)